پاکستان اور نیوزی لینڈ کے درمیان سیریز کیلئے میچ آفیشلز کا اعلان

پاکستان اور نیوزی لینڈ کے درمیان ہونے والی ٹی ٹوئنٹی اور ون ڈے سیریز کے لیے میچ آفیشلز کا اعلان کر دیا گیا۔

علی نقوی ٹی ٹوئنٹی سیریز میں میچ ریفری کے فرائض سر انجام دیں گے۔

احسن رضا، علیم ڈار، آصف یعقوب، فیصل آفریدی اور راشد ریاض امپائرنگ کے فرائض سر انجام دیں گے۔

آئی سی سی ایلیٹ پینل کے ممبر کرس براڈ ون ڈے سیریز کے لیے میچ ریفری مقرر کیے گئے ہیں۔

نیوزی لینڈ کرکٹ ٹیم کا ٹی ٹوئنٹی اسکواڈ پاکستان آنے کے لیے کرائسٹ چرچ سے روانہ ہوگیا۔

ون ڈے میچز میں احسن رضا، جول ولسن، علیم ڈار، آصف یعقوب، فیصل آفریدی، لینگٹن روسری اور راشد ریاض امپائرنگ کے فرائض سر انجام دیں گے۔

واضح رہے کہ نیوزی لینڈ ٹیم پاکستان میں 5 ٹی ٹوئنٹی میچز کی سیریز کھیلے گی جس کا آغاز 14 اپریل کو لاہور سے ہو گا۔

دونوں ٹیموں کے درمیان 5 ون ڈے میچز کی سیریز بھی ہو گی۔

بشکریہ جنگ