پاکستان اور نیوزی لینڈ کی ٹیمیں آج کراچی روانہ ہوں گی

پاکستان اور نیوزی لینڈ کی ٹیمیں کراچی جانے کے لیے آج دوپہر اسلام آباد ایئر پورٹ پہنچیں گی۔

کراچی کے لیے دونوں ٹیموں کی مشترکہ فلائٹ 1 بجے شیڈول ہے۔

راولپنڈی میں 2 ون ڈے میچز کھیلنے کے بعد اب پاکستان اور نیوزی لینڈ کے درمیان بقیہ 3 ون ڈے میچز کراچی میں کھیلے جائیں گے۔

سیریز کے آخری 3 ون ڈے میچز 3، 5 اور 7 مئی کو کراچی میں کھیلے جائیں گے۔

واضح رہے کہ پاکستان کو 5 ون ڈے میچوں کی سیریز میں 0-2 کی برتری حاصل ہو گئی ہے۔

اس سے قبل دونوں ٹیموں کے درمیان 5 ٹی ٹوئنٹی میچز کی سیریز 2-2 سے برابر رہی تھی۔

بشکریہ جنگ