پاکستان اور آسٹریلیا کا پہلا ٹیسٹ بارش سے متاثر ہونے کا خدشہ

پاکستان اور آسٹریلیا کے درمیان 24 سال بعد ہوم گراؤنڈ پر کھیلا جانے والا پہلا ٹیسٹ میچ بارش سےمتاثر ہونے کا امکان ہے۔

محکمہ موسمیات کے مطابق راولپنڈی میں آج موسلادھار بارش جاری ہے تاہم کل سے شروع ہونے والے ٹیسٹ کے پہلے دن موسم صاف ہو گا۔

آسٹریلوی ٹیسٹ ٹیم کے کپتان پیٹ کمنز کا کہنا ہے کہ اسٹیڈیم میں فل کراؤڈ کےسامنے کھیلنے کا مزا آتا ہے، پنڈی اسٹیڈیم کی پچ دیکھ کر فائنل الیون کا انتخاب کریں گے۔

محکمہ موسمیات نے امکان ظاہر کیا ہے کہ پنڈی ٹیسٹ کے تیسرے اور چوتھے دن (اتوار اور پیر )بارش ہوسکتی ہے۔

بشکریہ جنگ