پاکستان اور انگلینڈ کے درمیان چھٹا ٹی ٹوئنٹی میچ آج

پاکستان اور انگلینڈ کے درمیان سیریز کا چھٹا ٹی ٹوئنٹی انٹرنیشنل میچ آج قذافی اسٹیڈیم لاہور میں کھیلا جائے گا۔

میچ پاکستانی وقت کے مطابق شام ساڑھے 7 بجے شروع ہوگا۔ میچ کے لیے شائقین کرکٹ پرجوش ہیں جبکہ میچ کے تمام ٹکٹ فروخت ہوچکے ہیں۔

سات میچوں کی سیریز میں پاکستان کو تین دو سے برتری حاصل ہے، پاکستان آج کا میچ جیتنے کی صورت میں سیریز اپنے نام کرلے گا۔

واضح رہے کہ انگلش ٹیم کپتان جوز بٹلر سمیت کئی صف اول کے کھلاڑیوں کی خدمات سے محروم ہے۔

بشکریہ جنگ