پاکستان اسٹاک میں کاروباری ہفتے کے دوران منفی رجحان رہا

پاکستان اسٹاک ایکسچینج (پی ایس ایکس) میں کاروباری ہفتے میں منفی رجحان رہا۔

100 انڈیکس کاروباری ہفتے میں 707 پوائنٹس کم ہوکر 44 ہزار 444 پر بند ہوا ہے۔

زکوٰۃ کٹوٹی کے سبب گذشتہ کاروباری ہفتے میں پیر کے روز بینک پبلک ڈیلنگ کے لئے بند رہے۔

کاروباری ہفتے میں انڈیکس کی بلند ترین اور کم ترین سطح بالترتیب 45 ہزار 152 اور 43 ہزار 749 رہی۔ جبکہ انڈیکس ایک ہفتے میں 1402 پوائنٹس کے بینڈ میں رہا۔

حصص بازارمیں ایک ہفتے کے دوران 76 کروڑ شیئرز کے سودے ہوئے جن کی مالیت 26 ارب روپے سے زائد رہی۔

مارکیٹ کیپٹلائزیشن ایک ہفتے میں 125 ارب روپے کم ہوکر 7 ہزار 474 ارب روپے رہی۔

بشکریہ جنگ