پاکستان آمد پر مسافروں کیلئے کوویڈ 19ویکسین سرٹیفکیٹ کی شرط ختم

سول ایویشن اتھارٹی ہیڈکوارٹرز کے ترجمان کے مطابق بیرون ملک سے پاکستان آنے والوں کے لئے کویڈ 19 ویکسین سرٹیفکیٹ کی شرط ختم کر دی گئی ہے۔

ترجمان کا کہنا ہے کہ بیرون ملک سے پاکستان آنے والوں اور اندورن ملک سفر کرنے والوں کے لئے کویڈ 19 کی نئی گائڈ لائنز جاری کی گئی ہیں۔

کوویڈ 19 کی نئی پالیسی کے فیصلے کے مطابق بیرون ملک سے پاکستان آنے والوں کے لئے لازمی کویڈ 19 ویکسین سرٹیفکیٹ کی شرط ختم کر دی گئی ہے۔

ترجمان کا کہنا ہے کہ پاکستان آنے والے یا اندورن ملک سفر کرنے والے مسافروں کو بورڈنگ سے پہلے یا آمد پر منفی پی سی آر رپورٹ پیش کرنے کی ضرورت نہیں ہوگی۔

ان کا کہنا ہے کہ برطانیہ، خلیجی و دیگر ممالگ سے آنے والے مسافروں کی 2 فیصد اسکریننگ بھی ختم کر دی گئی ہے۔

ان کے مطابق مذکورہ بالا تمام پالیسیاں فوری طور پر نافذ العمل ہیں۔

بشکریہ جنگ