پاکستانی عوام اللّٰہ کا نام لیکر سڑکوں پر نکلیں، غفور حیدری
اپوزیشن جماعت جمعیت علماء اسلام (جے یو آئی) کے سینئر رہنما مولانا عبدالغفور حیدری نے عوام کو اللّٰہ کا نام لے کر سڑکوں پر آنے کی تجویز دے دی۔
ایک بیان میں مولانا عبدالغفور حیدری نے کہاکہ پاکستان کے عوام اللّٰہ کا نام لے کر سڑکوں پر نکلیں اور اس نالائق حکومت کا تختہ الٹ دیں۔
انہوں نے کہا کہ پی ٹی آئی نے خود اعتراف کیا ہے کہ خیبر پختون خوا میں بلدیاتی الیکشن اپنی نالائقی کی وجہ سے ہارے ہیں۔
اس موقع پر جے یو آئی رہنما نے حکومتی وزراء کو بھی نشانے پر لے لیا اور کہا کہ فواد چوہدری ہمیں دہشتگرد جماعت کہتے ہیں جبکہ خود تحریک انصاف نے بل جلائے اور پی ٹی وی پر حملہ کیا۔
عبدالغفور حیدری نے مزید کہا کہ وفاقی وزیر شیخ رشید ہر بوٹ میں فٹ ہوجاتے ہیں، وہ صبح کسی جماعت میں ہوتے ہیں اور شام میں کسی اور ہی جماعت میں ہوتے ہیں۔
بشکریہ جنگ
Comments are closed.