پانچ ملکی ٹورنامنٹ، ایشین کرکٹ کونسل نے کوئی پرپوزل نہیں بھیجا، ذرائع

ایشین کرکٹ کونسل (اے سی سی) نے ممبران کو پانچ ملکی ٹورنامنٹ کا کوئی پرپوزل نہیں بھیجا، رواں سال ایشیا کپ کو ملتوی کرنے سے متعلق اے سی سی اجلاس میں بات نہیں ہوئی۔

ذائع کا کہنا ہے کہ چیئرمین اے سی سی جے شاہ نے ہنگامی اجلاس کیلئے بھی کسی بورڈ سے رابطہ نہیں کیا، پی سی بی نے آخری ای میل میں سیکیورٹی سے متعلق بی سی سی آئی اور اے سی سی کو یقین دہانی کروائی ہے۔

پی سی بی نے بھارتی ٹیم کو فول پروف سیکیورٹی اور مہمان نوازی کی یقین دہانی کروائی۔

براڈ کاسٹنگ ڈیل کے مطابق ایشیا کپ میں دو پاک بھارت میچز ہونے چاہئیں، براڈ کاسٹنگ کمپنی ایشیا کپ کے ملتوی یا بھارت کے نہ کھیلنے پر قانونی کارروائی کر سکتی ہے۔

 ذرائع کا کہنا ہے کہ ایشیا کپ کے منسوخ ہونے کے اثرات ورلڈ کپ پر پڑ سکتے ہیں، ایشیا کپ کی منسوخی سے سری لنکا، بنگلادیش اور افغانستان کے ساتھ تعلقات پر بھی اثر پڑ سکتا ہے۔

بشکریہ جنگ