ٹی20 کرکٹ: محمد حفیظ نے ایک اور سنگ میل عبور کرلیا

پاکستان سپر لیگ (پی ایس ایل) 7 کے پہلے پلے آف میچ میں محمد حفیظ نے ایک اور سنگ میل عبور کرلیا ہے۔

لاہور کے قذافی اسٹیڈیم پر ملتان سلطانز اور لاہور قلندرز کے درمیان پہلے پلے آف میچ میں لاہور قلندرز کے کپتان شاہین شاہ آفریدی نے ٹاس جیت کر ملتان سلطانز کو بیٹنگ کی دعوت دی، کپتان محمد رضوان اور شان مسعود کی روایتی اوپننگ جوڑی میدان میں اتری۔

محمد حفیظ نے اننگز کے دوسرے اوور کی پہلی ہی گیند پر شان مسعود کی اہم وکٹ اپنے نام کرلی اور یوں ٹی 20 کرکٹ میں اپنی 200 وکٹ مکمل کرلیں۔

شان مسعود نے پی ایس ایل 7 کے 10 میچز میں 4 نصف سنچریوں کی بدولت 457 رنز اسکور کیے ہیں۔

بشکریہ جنگ