ٹی 20 ورلڈ کپ: ویسٹ انڈیز کیخلاف اسکاٹ لینڈ کی بیٹنگ جاری
ٹی ٹوئنٹی ورلڈ کپ کے کوالیفائنگ راؤنڈ میں ویسٹ انڈیز اور اسکاٹ لینڈ کے درمیان کھیلے جا رہے تیسرے میچ کو بارش کے سبب کچھ دیر کے لیے روک دیا گیا تھا جو دوبارہ شروع ہو گیا۔
ویسٹ انڈیز کے کپتان نے ٹاس جیت کر اسکاٹ لینڈ کو بیٹنگ کی دعوت دی ہے۔
آسٹریلیا میں کھیلے جا رہے ٹی ٹوئنٹی ورلڈ کپ کے میچز 2 مرحلوں میں ہوں گے، پہلے مرحلے میں آج بھی 2 میچز ہوں گے۔
آج ہونے والے دوسرے میچ میں آئر لینڈ کا مقابلہ زمبابوے سے ہو گا۔
واضح رہے کہ پہلے مرحلے میں 2 گروپس میں تقسیم 8 ٹیمیں سپر 12 راؤنڈ میں جگہ بنانے کے لیے مقابلہ کریں گی جہاں 8 ٹیمیں اپنی رینکنگ کی بنیاد پر پہلے ہی موجود ہیں۔
پہلے راؤنڈ میں نمیبیا، نیدر لینڈز، سری لنکا اور متحدہ عرب امارات (یو اے ای) گروپ اے جبکہ آئر لینڈ، زمبابوے، ویسٹ انڈیز اور اسکاٹ لینڈ گروپ بی میں شامل ہیں۔
پہلے مرحلے کے اختتام پر 4 ٹیمیں مین راؤنڈ سپر 12 کے لیے کوالیفائی کریں گی، سپر 12 راؤنڈ کا آغاز 22 اکتوبر سے ہو گا جبکہ ایونٹ کا فائنل 13 نومبر کو میلبرن میں کھیلا جائے گا۔
یاد رہے کہ گزشتہ روز نمیبیا نے سری لنکا کو 55 رنز سے اور نیدرلینڈز نے متحدہ عرب امارات (یو اے ای) کو 3 وکٹوں سے شکست دی تھی۔
Comments are closed.