ٹی 20 میں شاندار کارکردگی پر مارک چیپمین ون ڈے اسکواڈ میں شامل

نیوزی لینڈ کرکٹ نے ٹی ٹوئنٹی میں شاندار کارکردگی کا مظاہرہ کرنے والے مارک چیپمین کو پاکستان کے خلاف ون ڈے سیریز کے لیے اسکواڈ میں شامل کر لیا۔

نیوز ی لینڈ کرکٹ ٹیم کے ہیڈ کوچ گیری اسٹیڈ نے کہا ہے کہ مارک چیپمین کی ٹی 20 سیریز میں کارکردگی شاندار رہی ہے۔

گیری اسٹیڈ کا کہنا ہے کہ مارک چیپمین بہترین ٹی 20 بولنگ اٹیک کے خلاف جیسے کھیلے غیرمعمولی ہے، آخری ٹی ٹوئنٹی میچ میں میچ وننگ سنچری بہت خاص ہے۔

انہوں نے کہا کہ خوشی ہے ایسے کھلاڑی کو ون ڈے اسکواڈ میں شامل کیا جس کی فارم بہت اچھی ہے۔

نیوزی لینڈ کے مارک چیپمین نے ٹی ٹوئنٹی انٹرنیشنل کا عالمی ریکارڈ قائم کر دیا۔

نیوزی لینڈ ون ڈے ٹیم اب 16 کھلاڑیوں پر مشتمل ہے، ٹام بلنڈل اور ہینری نکلز بھی اسکواڈ کا حصہ بن گئے ہیں۔

نیوزی لینڈ کرکٹ کا کہنا ہے کہ ٹی 20 اسکواڈ میں شامل ڈین کلیور شیڈول کے مطابق وطن واپس جا رہے ہیں۔

واضح رہے کہ پاکستان اور نیوزی لینڈ کے درمیان ون ڈے سیریز کا آغاز جمعرات سے ہو گا۔

بشکریہ جنگ