ٹی ٹوئنٹی ورلڈکپ میں اب تک کے جذباتی مناظر
انٹرنیشنل کرکٹ کونسل (آئی سی سی) مینز ٹی ٹوئنٹی ورلڈ کپ کے ساتویں ایڈیشن کے دلچسپ اور سنسنی خیز مقابلے متحدہ عرب امارات میں جاری ہیں۔
ٹی ٹوئنٹی ورلڈکپ میں اب تک 32 میچ کھیلے جا چکے ہیں جن میں سے پاکستان اور انگلینڈ نے تو اب تک سارے میچز میں فتوحات اپنے نام کی ہیں لیکن کئی ٹیمیں اب تک یا تو فتح کا مزہ چکھنے میں ناکام ہیں یا بس انہیں ایک مرتبہ ہی جیت کا جشن منانے کا موقع ملا۔
میچ کے سنسنی خیز لمحات پر اسٹیڈم میں موجود شائقین کرکٹ ہوں یا گراؤنڈ میں اپنے اپنے ممالک کی نمائندگی کرنے والے کھلاڑی سب ہی اپنے اپنے جذبات کا اظہار کرتے ہیں۔
میچ جیتنے پر اپنے اپنے انداز سے خوشی کا اظہار کیا جاتا ہے تو شکست پر بھی ردعمل دیا جاتا ہے۔
انہی جذبات بھرے لمحات کی ایک ویڈیو آئی سی سی نے شیئر کی ہے جس میں پاکستانی شائقین کرکٹ سمیت قومی کرکٹرز کے بھی یادگار لمحات سموئے گئے ہیں۔
Comments are closed.