ٹکٹوں کی تقسیم پر پی ٹی آئی کارکنوں کے قیادت پر کرپشن کے الزامات

 راولپنڈی میں پی پی11 پر چوہدری عدنان سے پارٹی ٹکٹ واپس لینے پر پی ٹی آئی کارکنوں نے احتجاج کرتے ہوئے  قیادت پر کرپشن کے الزامات عائد کردیے۔

پاکستان تحریک انصاف (پی ٹی آئی) کے رہنما چوہدری عدنان نے کہا کہ ہمیں پی ٹی آئی کا کھلاڑی چاہیے لال حویلی کا بھکاری نہیں۔

چوہدری عدنان نے کہا کہ عارف عباسی عمران خان کا نہیں لال حویلی کا امیدوار ہے، عمران خان نے انہیں ٹکٹ دیا تھا، شیخ رشید نے رات کو سازش کی، پتا ہے رات کو ٹیبل پر بیٹھ کر کون پیسے بانٹتا ہے۔

انہوں نے کہا کہ معلوم ہے جلسوں اور ریلیوں کے پیسے کہاں سے آتے ہیں، عارف عباسی کی کرپشن سامنے آنے پر اسے آر ڈی اے سے ہٹایا گیا تھا۔

یاد رہے کہ عمران خان نے پی پی11 سے چوہدری عدنان کا ٹکٹ واپس لے کر عارف عباسی کو دیا ہے۔

بشکریہ جنگ