ٹنڈو یوسف میں 12سالہ لڑکی کی گلا کٹی لاش کا معمہ حل ہوگیا

حیدرآباد کے علاقے ٹنڈو یوسف میں 12 سالہ لڑکی گلا کٹی لاش ملنے کے واقعے میں پیشرفت ہوئی ہے۔

پولیس کے مطابق پڑوس میں رہنے والی خاتون اور اُس کا دیور 12 سالہ لڑکی کے قتل میں ملوث نکلے۔

پولیس کے مطابق مقتولہ لڑکی نے خاتون اور اُس کے دیور کو غیر اخلاقی حرکت کرتے دیکھا تھا۔

خاتون اور اُس کے دیور نے لڑکی کو اس لیے قتل کردیا کہ وہ اُن کے غیر اخلاقی تعلقات کے بارے میں کسی کو نہ بتا سکے۔

پولیس کے مطابق پولیس نے ملزمہ کو گرفتار کرلیا، جس نے اعتراف جرم کرلیا ہے جبکہ دیور فی الحال فرار ہے۔

بشکریہ جنگ