ٹنڈو محمد خان: 15سالہ لڑکے سے مبینہ زیادتی اور قتل کامقدمہ قریبی عزیز پر درج

ٹنڈو محمد خان کے گاؤں بجر خان ٹالپور کے رہائشی 15 سال کے لڑکے سے مبینہ زیادتی اور قتل کامقدمہ مقتول کے قریبی عزیز کے خلاف درج کر لیا گیا۔

مقدمہ شیخ بھرکیو تھانے میں مقتول کے والد سلطان خاصخیلی کی مدعیت میں قریبی عزیز کے خلاف درج کیا گیا ہے۔

پولیس کے مطابق زیادتی اور قتل میں نامزد ملزم کی گرفتاری کے لیے چھاپے مارے جا رہے ہیں۔

پولیس نے بتایا ہے کہ گزشتہ روز 15 سالہ لڑکے کی لاش کھیتوں سے ملی تھی۔

اسپتال ذرائع کے مطابق میڈیکل رپورٹ میں ابتدائی طور پر زیادتی ثابت ہوئی تھی۔

بشکریہ جنگ