ٹنڈولکر کا ویرات کوہلی کو شاندار الفاظ میں خراج تحسین

بھارتی کرکٹ ٹیم کے سابق کپتان اور ٹیسٹ کرکٹر سچن ٹنڈولکر نے ویرات کوہلی کو شاندار الفاظ میں خراج تحسین پیش کیا ہے۔

آئی سی سی ٹی ٹوئنٹی ورلڈکپ 2022 کے میچ میں پاکستان کے خلاف شاندار بیٹنگ کی بدولت اپنی ٹیم کی فتح میں کلیدی کردار ادا کرنے والے ویرات کوہلی کی تعریفوں کے انبار لگ گئے اور ہر کوئی بہترین کارکردگی پر انہیں خوب سراہا رہا ہے۔

اسی طرح بھارتی کرکٹ ٹیم کے سابق کپتان سچن ٹنڈولکر نے بھی ویرات کوہلی سے متعلق اپنے پیغام میں لکھا کہ بلا شبہ یہ آپ کی زندگی کی بہترین اننگز تھی، آپ کو اس طرح کھیلتے ہوئے دیکھ کر اچھا لگا۔

پاکستان تحریک انصاف (پی ٹی آئی) کے رہنما فواد چوہدری نے بھی بھارتی بلے باز کی تعریف کردی۔

سچن ٹنڈولکر نے مزید لکھا کہ اننگ کے 19ویں اوور میں حارث رؤف کی گیند پر لانگ آن پر چھکا بہت ہی شاندار تھا۔

سابق بھارتی کپتان نے ویرات کوہلی سے متعلق مزید کہا کہ اسی طرح اچھا کھلیتے رہیں۔

واضح رہے کہ بھارتی کرکٹ ٹیم کے بیٹر ویرات کوہلی نے پاکستان کے خلاف شاندار بیٹنگ کرتے ہوئے 4 چوکوں اور 4 چھکوں کی بدولت 53 گیندوں پر 82 رنز کی اننگز کھیلی اور اپنی ٹیم کی جیت میں اہم کردار ادا کیا۔

بشکریہ جنگ