ٹرین میں خاتون سے مبینہ زیادتی کے دوران ویڈیو بنانے کا انکشاف

بہاء الدین زکریا ایکسپریس میں خاتون سے مبینہ زیادتی کے کیس میں ملزمان کی جانب سے اجتماعی زیادتی کی ویڈیو بنانے کا انکشاف ہوا ہے۔

جوڈیشل مجسٹریٹ جنوبی کراچی کی عدالت میں بہاء الدین زکریا ایکسپریس میں خاتون سے مبینہ زیادتی کیس کی سماعت ہوئی۔

تفتیشی افسر نے عدالت کو بتایا کہ ملزمان نے مبینہ اجتماعی زیادتی کی ویڈیو بھی بنائی تھی، ملزمان کے موبائل فون اور  ویڈیوز برآمد کرنی ہیں۔

عدالت نے گرفتار 5 ملزمان کے جسمانی ریمانڈ میں 2 دن کی توسیع کر دی۔

پولیس کا کہنا ہے کہ ملزمان نے 28 مئی کو ملتان سے کراچی آنے والی خاتون کے ساتھ اجتماعی زیادتی کی، ملزمان کے خلاف سٹی ریلوے تھانے میں مقدمہ درج ہے۔

 پولیس حکام کا کہنا ہے کہ متاثرہ خاتون عدالت میں دو ملزمان کو شناخت بھی کرچکی ہے۔

بشکریہ جنگ