بدھ14؍شوال المکرم 1442ھ26؍مئی 2021ء

ٹرین زیادتی کیس، تینوں ملزمان کیخلاف چالان منظور

بہاؤالدین زکریا ایکسپریس میں خاتون سے اجتماعی زیادتی کیس میں عدالت نے تینوں ملزمان کے خلاف کیس کا چالان منظور کر لیا۔

جوڈیشل مجسٹریٹ جنوبی میں بہاؤالدین زکریا ایکسپریس میں خاتون سے اجتماعی زیادتی کیس پر سماعت ہوئی، اس دوران عدالت میں ملزمان کے خلاف چالان پیش کیا گیا۔

چالان کے متن کے مطابق 27 مئی کو ٹرین ملتان سے واپس کراچی آ رہی تھی، ٹکٹ چیکر زاہد خاتون کو اکانومی سے اے کلاس انچارج عاقب کے پاس لے کر گیا، ٹکٹ چیکر نے خاتون سے کہا کہ اے کلاس کا کرایہ زیادہ ہے مزید پیسے دیں۔

جوڈیشل مجسٹریٹ جنوبی کراچی کی عدالت میں بہاؤ الدین زکریا ایکسپریس میں خاتون سے زیادتی کے کیس میں اہم پیش رفت سامنے آ گئی۔

متن کے مطابق متاثرہ خاتون نے اکانومی کلاس میں واپس جانے کا کہا تو ملزم مشتعل ہوگیا، ملزم زاہد نے خاتون کو تھپڑ مارے اور زیادتی کا نشانہ بنایا، اس کے بعد ملزم عاقب نے بھی متاثرہ خاتون سے زیادتی کی۔

تیسرے ملزم اسسٹنٹ ٹرین منیجر زوہیب نے خاتون کو چلتی ٹرین میں زیادتی کا نشانہ بنایا۔

واضح رہے کہ گرفتار تین ملزمان کا ڈی این اے متاثرہ خاتون سے میچ کر گیا ہے، ملزمان کے خلاف ریلوے کراچی سٹی تھانے میں مقدمہ درج کر لیا گیا ہے۔

بشکریہ جنگ
You might also like

Comments are closed.