ٹرمپ کیخلاف مجرمانہ تحقیقات کی نگرانی کیلئے وکیل نامزد

امریکی محکمہ انصاف نے سابق صدر ڈونلڈ ٹرمپ کے خلاف مجرمانہ تحقیقات کی نگرانی کے لیے خصوصی وکیل نامزد کر دیا۔

اٹارنی جنرل میرک گارلینڈ نے جیک سمتھ کی تقرری کا اعلان کیا اور کہا کہ عوامی مفاد میں اسپیشل پراسیکیوٹر کا تقرر کیا ہے۔

جیک سمتھ جنگی جرائم کے سابق تفتیش کار رہ چکےہیں ۔۔

اسپیشل پراسیکیوٹر جیک اسمتھ نے کہا کہ تحقیقات کو تیزی سے آگے بڑھاؤں گا اور آزادانہ فیصلے کروں گا۔

اِدھر ٹرمپ نے کہا ہے کہ اسپیشل پراسیکیوٹر کی تقرری سیاسی اور غیر منصفانہ ہے، یہ کسی طور قابل قبول نہیں۔

انہوں نے کہا کہ 6 سال سے تحقیقات بھگت رہا ہوں مزید نہیں بھگت سکتا۔

دوسری جانب ترجمان وائٹ ہاؤس نے کہا ہے کہ بائیڈن انتظامیہ انصاف کے نظام کو  سیاسی نہیں بنائے گی۔اسپیشل پراسیکیوٹر کی تقرری کاصدر بائیڈن اور ہمیں علم نہیں تھا اور نہ ہی ہم نے کوئی پیشگی نوٹس بھیجا تھا۔

واضح رہے کہ تین روز پہلے سابق صدر کی جانب سے 2024 میں صدارتی انتخاب لڑنے کا اعلان سامنے آ یا تھا۔

ٹرمپ سے ان کےگھر پر چھاپے میں سامنے آنے والی سرکاری دستاویزات پر تحقیقات جاری ہیں ۔اس کے علاوہ ٹر مپ سے کیپیٹل ہل حملے میں ملوث ہونے کی تفتیش بھی کی جارہی ہے۔

بشکریہ جنگ