ٹانک اور ڈی آئی خان میں کارروائی، 3 دہشتگرد ہلاک

ٹانک اور ڈیرہ اسماعیل خان (ڈی آئی خان) میں سیکیورٹی فورسز کی کارروائی میں 3 دہشتگرد ہلاک ہوگئے۔

رپورٹس کے مطابق ہلاک دہشتگردوں میں کمانڈر جبار شاہ عرف شاہ عالم بھی شامل ہیں۔

اس سے قبل سیکیورٹی اداروں نے شمالی وزیرستان کے ضلع میران شاہ میں بھی آپریشن کیا۔

گرفتار دہشت گرد سیکیورٹی فورسز پر حملوں سمیت بے گناہ شہریوں کے قتل اور دہشت گردی کی متعدد کارروائیوں میں ملوث تھے۔

آپریشن میں دہشتگرد کمانڈر مہتاب عرف لالا سمیت 7 دہشتگردوں کو گرفتار  کیا گیا۔

آئی ایس پی آر کے مطابق ملزمان سیکیورٹی فورسز اور شہریوں کی ٹارگٹ کلنگ میں ملوث تھے۔

بشکریہ جنگ