ٹاس کےوقت بھارتی بولر کی حرکت دیکھنے والے ہنسے بغیر نہ رہ سکے

ٹی ٹوئنٹی ورلڈ کپ کے میچ کے ٹاس کے دوران بھارتی بولر روی ایشون کی حرکت کو دیکھنے والے ہنسنے پر مجبور ہوگئے۔

اتوار کو زمبابوے کے خلاف کھیلے گئے میچ میں بھارتی کپتان روہت شرما نے ٹاس جیت کر پہلے بیٹنگ کا فیصلہ کیا۔

ٹاس جیتنے کے بعد روہت شرما گراؤنڈ میں میچ اور ٹیم سے متعلق گفتگو کر رہے تھے کہ ان کے پیچھے کھڑے بولر روی ایشون کی دلچسپ حرکت کو کیمرے نے ریکارڈ کرلیا۔

بھارتی میڈیا کے مطابق روی ایشون اپنے کپڑوں کو سونگھ کر یہ جاننے کی کوشش کررہے تھے کہ وہ دھلے ہوئے ہیں یا نہیں۔

روی ایشون کی اس حرکت پر سوشل میڈیا پر بہت زیادہ میمز بھی بنائی جارہی ہیں۔

مقامی میڈیا کے مطابق بھارتی بولر نے اپنی سونگھنے کی صلاحیت پر بھروسہ کرتے ہوئے صاف کپڑے کو اٹھایا جبکہ گندے کو وہیں چھوڑ کر چلے گئے۔

واضح رہے کہ اتوار کو کھیلے گئے میچ میں بھارت نے زمبابوے کو 71 رنز سے شکست دی تھی، اس میچ میں روی ایشون نے 3 کھلاڑیوں کو آؤٹ کیا تھا۔

بشکریہ جنگ