ویڈیو: ہارس ریسنگ ٹریک پر اچانک مگرمچھ آگیا

امریکی ریاست لوزیانا میں ہارس ریسنگ ٹریک پر اچانک مگرمچھ آگیا جس کی ویڈیو سوشل میڈیا پر وائرل ہورہی ہے۔

ہارس ریسنگ ٹریک پر عموماََ گھوڑے ہی دوڑتے نظر آتے ہیں لیکن اگر اس ٹریک پر سمندری جانور آجائیں تو یہ عجیب و غریب ہوسکتا ہے۔

ایسی ہی ایک ویڈیو سوشل میڈیا پر وائرل ہورہی ہے جس میں مگرمچھ کو آہستہ آہستہ ہارس ریسنگ ٹریک عبور کرتے ہوئے دیکھا جاسکتا ہے۔

ویڈیو میں دیکھا جاسکتا ہے کہ مگرمچھ کو دیکھ کر گھوڑا ڈر جاتا ہے اور وہاں سے بھاگنے کی کوشش کرتا ہے۔

مالک اپنے گھوڑے کو پُرسکون کرنے کے لیے اُس کی لگام پکڑ لیتا ہے اور پھر وہ دونوں ساتھ کھڑے ہوکر مگرمچھ کے ٹریک عبور کرنے کے منظر کو دیکھتے ہیں۔

سوشل میڈیا پر صارفین کی جانب سے ویڈیو کو خوب پسند کیا جارہا ہے۔

بشکریہ جنگ