ویڈیو: کراچی کی پُر ہجوم سڑک پر تنہا اسٹریٹ کرمنل کی دھڑلے سے لوٹ مار

کراچی کی ایک پُر ہجوم سڑک پر تنہا اسٹریٹ کرمنل کی دھڑلے سے لوٹ مار کی ویڈیو سامنے آئی ہے۔

گذشتہ روز منزل پمپ کے قریب پیش آئی واردات کی سی سی ٹی وی ویڈیو میں دیکھا جا سکتا ہے کہ شلوارقمیض پہنے ملزم ٹریفک جام کا فائدہ اٹھا کر لوٹ مار کرتا رہا۔

ایک کار سوار شہری نے ملزم سے بچ کر نکلنا چاہا مگر ٹریفک جام میں پھنس گیا۔

ملزم 15 منٹ تک گاڑیوں میں سوار افراد سے لوٹ مار کرتا رہا۔

پولیس کا کہنا ہے کہ واردات میں ملوث شخص کا سراغ نہیں مل سکا تلاش جاری ہے۔

بشکریہ جنگ