ویڈیو، 2022ء میں کمر کے درد کا دردناک علاج

دورِ جدید میں بھی گاؤں دیہاتوں میں کمر کے درد کے لیے کیے جانے والے علاج کی ایک ایسی ویڈیو سامنے آئی ہے کہ دیکھنے والے صحت مند افراد میں بھی کمر کا درد اُٹھ جائے۔

سوشل میڈیا پر ایک نامعلوم گاؤں کی ویڈیو زیرِگردش ہے جس میں ایک طبیب کمر کے درد میں مبتلا مریض کا دردناک انداز میں علاج کر رہا ہے۔

ویڈیو میں دیکھا جا سکتا ہے کہ مریض چارپائی کے سہارے اپنی کمر طبیب کی جانب کیے جھُک کر کھڑا ہے جبکہ طبیب مریض کی کمر پر پہلے دو اینٹیں رکھتا ہے اور پھر ایک ڈنڈے سے اس پر زور دار ضرب لگاتا ہے۔

اس ویڈیو کو دیکھ کر جہاں اچھا بھلا انسان اپنی صحت مند کمر تھام لے وہیں یہ مریض اُٹھ کر آرام سے چارپائی کے گرد چکر کاٹنے لگ جاتا ہے۔

واضح رہے کہ اس ویڈیو کو تاحال سیکڑوں افراد لائیک اور ری ٹوئٹ کر چکے ہیں۔

بشکریہ جنگ