ویرات کوہلی کی میچ کے دوران ’تشویش‘ کا انٹرنیٹ پر مذاق بن گیا

آسٹریلیا کے خلاف ٹی ٹوئنٹی انٹرنیشنل میچ میں بھارتی فاسٹ بولر کی پٹائی پر ویرات کوہلی کی تشویش اور پریشانی کا انداز سوشل میڈیا پر مذاق بن گیا۔

بھارتی فاسٹ بولر امیش یادیو کو آسٹریلوی بیٹر نے لگاتار چار باؤنڈریز لگائیں تو اس دوران ویرات کوہلی کی ٹینشن بڑھ گئی۔

گراؤنڈ میں بے بس ویرات کوہلی کی تشویش ان کے چہرے پر صاف نظر آرہی تھی جس پر انٹرنیٹ صارفین کو مذاق کرنے کا بہانہ مل گیا۔

سوشل میڈیا پر ویرات کوہلی کی تصویر کو شیئر کرتے ہوئے ایک اکاؤنٹ سے لکھا گیا کہ جب آپ سنیں سب ہی پٹ رہے ہیں، ایک دو اوور کوہلی سے کرالو۔

ایک صارف نے ویرات کوہلی کی تصویر شیئر کرتے ہوئے لکھا کہ جب امی کہیں ڈبے میں پیسے رکھے تھے کس نے نکالے۔

مزید ایک اکاؤنٹ سے لکھا گیا کہ جب والد آپ کے دوسرے بہن بھائیوں کی پٹائی کررہے ہوں۔

واضح رہے کہ گزشتہ روز آسٹریلیا نے 3 ٹی ٹوئنٹی میچز پر مشتمل سیریز کے پہلے میچ میں بھارت کو 4 وکٹوں سے شکست دی تھی۔

بشکریہ جنگ