وہ مسلم ملک جو ’نِکل‘ کے ذخائر اور نئے زیرتعمیر دارالحکومت کے ساتھ دنیا کی پانچ بڑی معیشتوں میں شامل ہونا چاہتا ہے،تصویر کا ذریعہGetty Images

  • مصنف, حنا سموسر اور نکی وڈاڈیو
  • عہدہ, بی بی سی انڈونیشیائی، جکارتا اور نوسانتارا
  • 24 منٹ قبل

ملازمت کی تلاش میں انڈونیشیا سے تعلق رکھنے والے 55 سال کے مسمل یادی اور اُن کی 50 سالہ اہلیہ نورمس ہزاروں کلومیٹر کا سفر طے کر کے اپنے ملک کے نئے دارالحکومت میں آ کر آباد ہوئے ہیں۔ یہ نیا دارالحکومت ایک جنگل میں بنایا جا رہا ہے۔مسمل یادی نے بی بی سی سے بات کرتے ہوئے کہا ’جب تک یہاں تعمیراتی کام جاری ہے تب تک یہاں ملازمت ڈھونڈنا آسان ہو گا۔‘مسمل اور اُن کی اہلیہ کا نیا گھر اب بورنیو جزیرے پر واقع نوسانتارا شہر ہے۔ ’نوسانتارا‘ جاوا زبان کا لفظ ہے جس کا مطلب ہے ’جزیرہ نما‘۔نورمس سیمنٹ تیار کر رہی ہیں جبکہ ان کے شوہر مسمل یادی ٹائلیں لگا رہے ہیں۔

ان میاں بیوی کا خواب وہی ہے جو ’انڈونیشیا کا خواب‘ ہے۔ مسمل یادی کی خواہش ہے کہ انھیں ایک مستحکم ملازمت ملے اور وہ کسی بڑے تعمیراتی منصوبے پر ایک چھوٹے ٹھیکیدار بن جائیں۔،تصویر کا ذریعہOki Budhi

،تصویر کا کیپشنانڈونیشیا کے لیے ایک نیا دارالحکومت جنگل میں تعمیر کیا جا رہا ہے
جب صدر جوکو ویدودو نے دو سال قبل ’نوسانتارا‘ کے نام سے ملک کے ایک نئے دارالحکومت کی تعمیر کا اعلان کیا تھا۔ اس اعلان کے بعد سے یہاں کاروبار میں کافی تیزی آئی ہے۔حکومتی اندازے کے مطابق اس نئے زیرِ تعمیر شہر میں سنہ 2029 تک 20 لاکھ لوگ مقیم ہوں گے۔لیکن اسی جگہ پر آباد 51 سال کے پانڈی اور ان کی اہلیہ سیامسیاح کو یہ خطرہ ہے کہ شہر کی تعمیر کے نام پر انھیں اُن کے گھر سے نکال دیا جائے گا۔اُن کا تعلق مقامی آبادی سے ہے، وہ مقامی آبادی جو اس جگہ پر نسلوں سے آباد ہے مگر اس کے پاس زمین کی ملکیت کے کاغذات نہیں ہیں۔ ایسے قدیم مقامی افراد کی تعداد تقریباً 20 ہزار ہے۔پانڈی بتاتے ہیں کہ ایک دن جب ان کی آنکھ کھلی تو انھوں نے دیکھا کہ ان کے گھر کے باہر چند افراد زمین کی نشاندہی (نقشہ بندی) کر رہے تھے۔،تصویر کا ذریعہOki Budhi
،تصویر کا کیپشناگرچہ یہ اُن کے آباؤ اجداد کی سرزمین ہے لیکن پانڈی کو اس پر آباد رہنے کے لیے لڑتے رہنا پڑے گا
حکومت سیلاب سے تحفظ کے لیے اس جگہ کو خالی کروانا چاہتی تھی جہاں پانڈی اور ان جیسے دیگر مقامی افراد آباد ہیں، تاہم ان افراد نے اپنی بیدخلی کے خلاف عدالت سے رجوع کیا اور عدالت نے حکام کو حکم دیا کہ وہ مقامی افراد کو ان کے آبائی مکانوں سے بیدخل نہ کریں۔انھوں نے بی بی سی کو بتایا ’یہ میں اپنے بچوں اور اگلی نسلوں کے لیے کر رہا ہوں۔ اگر میں کچھ نہیں کرتا تو میرے بچے اور ان کے بچے حکومت کے لیے کچرے کی طرح ہوں گے۔ اس طرح ہم ناانصافی کا مقابلہ کر رہے ہیں۔‘مگر یہ ایک عارضی حل ہے کیونکہ دیگر دیہاتوں سے بہت ساری مقامی آبادیاں اپنی زمینیں چھوڑ کر وہاں سے نکل گئی ہیں۔ حکومت نے انھیں زمینیں چھوڑنے کے عوض جو معاوضہ دیا لیکن وہ بہت کم تھا۔مسمل یادی اور پانڈی کی کہانیوں سے اندازہ لگایا جا سکتا ہے کہ صدر ویدودو کا نیا دارالحکومت آباد کرنے کا یہ منصوبہ دو دھاری تلوار ہے، جہاں یہ ملازمت کے بہت سارے مواقع پیدا کر رہا ہے وہاں یہ مقامی لوگوں کے لیے مشکلات کا باعث بھی بنا ہوا ہے۔،تصویر کا ذریعہGetty Images
،تصویر کا کیپشنماہرین ماحولیات نے نئے دارالحکومت کی تعمیر کی وجہ سے جنگلات کی کٹائی اور جنگلی حیات کی رہائش کے نقصان کے بارے میں خطرے کی گھنٹی بجا دی ہے

پانچ پڑی معیشتوں میں شامل ہونے کا عزم

عالمی مالیاتی ادارے (آئی ایم ایف) کے مطابق جب سنہ 2014 میں صدر ویدودو پہلی بار اقتدار میں آئے تھے تو اُس وقت پرچیزنگ پاور پیریٹی (پی پی پی) کی بنیاد پر انڈونیشیا دنیا کی 10ویں سب سے بڑی معیشت تھا۔مگر اب ایک دہائی بعد انڈونیشیا ساتویں نمبر پر آ چکا ہے۔یہ تخمینہ لگایا جاتا ہے کہ دنیا کے سب سے زیادہ مسلم آبادی والا ملک یعنی انڈونیشیا سنہ 2027 تک معاشی میدان میں روس سے آگے نکل جائے گا۔ رواں ماہ 14 فروری کو انڈونیشیا میں صدارتی انتخابات منعقد ہوئے ہیں اور غیر سرکاری نتائج کے مطابق وزیر دفاع پرابوو سوبیانتو صدر بننے کی راہ پر گامزن ہیں۔ پرابوو سوبیانتو نے وعدہ کیا ہے کہ وہ موجودہ حکومت کی معاشی پالیسیوں کو جاری رکھیں گے اور موجودہ صدر ویدودو کے بیٹے اُن کی طرف سے نائب صدر کے امیدوار ہوں گے۔انڈونیشیا کے 10 بڑے بینکوں میں سے ایک پرماتا بینک میں چیف اکانومسٹ کے عہدے پر تعینات جوسوا پاردیدے کہتے ہیں کہ ’صدر کا منصوبہ دستاویزات میں اچھا لگتا ہے اور یہ انڈونیشیا کو آئی ایم ایف کی پیش گوئی کے کافی قریب لا سکتا ہے۔‘لیکن انڈونیشیا کے ارادے اس سے زیادہ بڑے ہیں۔ سنہ 2045 میں ملک کی آزادی کے 100 سال مکمل ہونے تک وہ دنیا کی ان پانچ بڑی معیشیتوں میں شامل ہونا چاہتا ہے جہاں آبادی کی فی کس آمدنی زیادہ ہے۔لیکن اس کے لیے وزیر خزانہ سری ملیانی کے مطابق انڈونیشیا کی معیشت کو ہر سال چھ سے سات فیصد شرح نمو سے بڑھنا ہو گا۔ اس وقت یہ پانچ فیصد پر کھڑی ہے۔،تصویر کا ذریعہOki Budhi

،تصویر کا کیپشناگر انڈونیشیا کو اپنے اقتصادی اہداف کو پورا کرنا ہے تو اس کی معیشت کو سالانہ 7 فیصد کی شرح سے ترقی کرنے کی ضرورت ہے

’نِکل کا بخار‘

انڈونیشیا اپنے سیاحتی مقام بالی کی وجہ سے کافی مشہور ہے لیکن اب اس کی وجہ شہرت یہاں دنیا کے سب سے بڑے نِکل (ایک قسم کی سفید دھات) کے ذخائر بھی ہیں۔ نِکل نامی دھات الیکٹرک گاڑیوں کی بیٹریوں کا ایک اہم جزو ہے۔جب صدر ویدودو نے پہلی بار سنہ 2019 میں خام نکل کی برآمد پر پابندی لگائی تھی تو یورپی یونین نے عالمی تجارتی دارے (ورلڈ ٹریڈ آرگنائزیشن) میں انڈونیشا کے خلاف مقدمہ کر دیا تھا۔صدر ویدودو نے اُس وقت کہا تھا کہ وہ انڈونیشیا میں اس دھات کی پروسیسنگ کی قابلیت کو بہتر کرنا چاہتے ہیں، جسے ’ڈاؤن سٹریمنگ‘ کہا جاتا ہے۔ایک غیر جانبدار تحقیقی ادارے انسٹیٹیوٹ آف ڈیویلپمنٹ آف اکنامک فنانس (انڈیف) کے ایک مطالعے کے مطابق صدر کی ’نِکل پالیسی‘ کی وجہ سے ملازمتوں کے مواقع پیدا ہوئے اور معیشت میں بڑھوتری ہوئی۔لیکن خام نکل کو پگھلانے کے لیے انڈونیشیا چین پر بہت زیادہ انحصار کرتا ہے۔ اس وجہ سے اس سارے عمل کے مستقبل پر بڑا سوالیہ نشان لگایا جاتا ہے، کیونکہ چین کی معیشت کے بارے میں تخمینہ لگایا گیا ہے کہ اس سال چین کی معیشت کے بڑھنے کی رفتار 5.2 فیصد سے کم ہو کر 4.6 فیصد ہو جائے گی۔صدر ویدودو پر تنقید کی جا رہی ہے کہ وہ کھلی باہوں سے چینی سرمایہ کاری کو خوش آمدید کہتے ہیں لیکن ان کی معاشی پالیسیوں کی وجہ سے پیدا ہونے والے زمینی تنازعات، صحت کے مسائل اور ماحول کی تباہی کو نظر انداز کیا جاتا ہے۔ایک غیر سرکاری تنظیم مائننگ ایڈویکیسی نیٹ ورک (جاٹام) کے کوآرڈینیٹر میلکی ناہار کہتے ہیں کہ ’نِکل کے بخار سے حکومت کا دماغ خراب ہو جاتا ہے۔‘،تصویر کا ذریعہGetty Images

،تصویر کا کیپشنبالی میں غروبِ آفتاب کا منظر

قوم کا ورثہ

انڈونیشیا میں 1700 چھوٹے بڑے جزائر ہیں جو تین ٹائم زونز میں پھیلے ہوئے ہیں جبکہ موجودہ دارالحکومت جکارتہ سطح سمندر بلند ہونے کے باعث ڈوب رہا ہے، لہذا ان تمام جزائر کا آپس میں رابطے میں رہنا انڈونیشیا کی ترقی کے لیے بہت اہم ہے۔جب سنہ 2023 میں دنیا کورونا وبا کے اثرات سے نکل رہی تھی تو اس وقت صدر ویدودو نے دارالحکومت کو منتقل کرنے کے قانون پر دستخط کیے تھے جس کی وجہ سے کچھ لوگ حیران بھی ہوئے تھے اور اس فیصلے پر تنقید بھی کی گئی تھے۔چین سمیت کچھ ممالک نے نئے دارالحکومت میں سرمایہ کاری کرنے میں دلچسپی دکھائی ہے، لیکن اس حوالے سے کوئی ’ٹھوس‘ چیز سامنے نہیں آئی۔ایک غیر جانبدار تھنک ٹینک سینٹر آف اکنامک اینڈ لا سٹڈیز (سیلی اوس) کی نیلولہدیٰ کہتی ہیں ’اب تک بڑے عالمی سرمایہ کاروں سے ’نوسانتارا‘ (نئے دارالحکومت) میں سرمایہ کاری کروانا مشکل ثابت ہو رہا ہے۔‘صدر نے مختلف طریقوں سے سرمایہ کاروں کو راغب کرنے کی کوشش کی ہے۔ انھوں نے سرمایہ دار پسند لیبر قانون متعارف کروائے جن کے بارے میں سول سوسائٹی کا کہنا ہے کہ یہ مزدوروں کے حقوق کی خلاف ورزی کرتے ہیں۔صدر ویدودو اکتوبر میں اقتدار نئے صدر کو منتقل کریں گے اور اطلاعات کے مطابق وہ نوسانتارا کی تعمیر کو ہمیشہ کے لیے رہنے والے ورثے کے طور پر دیکھتے ہیں۔،تصویر کا ذریعہGetty Images

،تصویر کا کیپشنصدر ویدودو ’نوسانتارا‘ کو قوم کے لیے ’تحفہ‘ سمجھتے ہیں
لیکن حکومت کی نیشنل انوویشن ریسرچ ایجنسی (برن) کے سیاسی محقق فرمان نور کا خیال ہے کہ ’یہ ایک داغدار ورثہ ہے۔‘وہ کہتے ہیں ’کئی پہلوؤں سے گذشتہ دس برسوں میں کیسے ترقیاتی کاموں اور سیاسی طریقوں میں جمہوری اقدار دھندلے ہوئے، نوسانتارا اس کی عکاسی کرتا ہے۔‘ دوسری جانب اقتدار سمبھالنے والے سوبیانتو نے لوگوں کی حمایت حاصل کرنے کے لیے ماؤں اور بچوں کے لیے مفت دودھ جیسی پالیسیوں کا وعدہ کیا ہے۔ماہرین کا کہنا ہے کہ ان منصوبوں سے بجٹ پر بہت وزن آئے گا اور پہلی ہی جانے والے صدر کے بڑے منصوبوں کی وجہ سے بہت خرچہ ہو رہا ہے۔نیلولہدیٰ کہتے ہیں ’مفت خوراکیں اور متعدد پولیسیوں کی وجہ سے ریاست کا بہت بجٹ استعمال ہو گا اور اس سے ملکی معیشت قرض تلے دب جاتی ہے۔‘’دنیا کی سب سے بڑی معیشت بننے کے خواب کے باوجود اگر اگلی حکومت کی پالیسیاں ایسی ہی غیر ذمہ دارانہ رہیں تو میرے خیال سے 2029 تک قرضہ دگنا ہو جائے گا۔‘
BBCUrdu.com بشکریہ

body a {display:none;}