وکلاء نیب آرڈیننس چیلنج نہیں، اصلاحات تجویز کریں: فواد چوہدری

وفاقی وزیرِ اطلاعات و نشریات فواد چوہدری کا کہنا ہے کہ وکلاء نیب آرڈیننس کو چیلنج کرنے کی بجائے حکومت کو اصلاحات تجویز کریں۔

وفاقی وزیر اطلاعات فواد چوہدری نے کہا ہے کہ وزیراعظم اب کسی کو پلاٹ نہیں دےسکیں گے۔

وفاقی وزیرِ اطلاعات و نشریات فواد چوہدری نے صدر سپریم کورٹ بار ایسوسی ایشن احسن بھون اور نو منتخب عہدے داران سے ملاقات کے موقع پر یہ بات کہی۔

سپریم کورٹ بار ایسوسی ایشن کے عہدے داروں سے گفتگو میں انہوں نے کہا کہ قومی معاملات اور آئین و قانون کی بالادستی کے لیے وکلاء برادری رہنمائی کرے۔

فواد چوہدری نے کہا کہ بار ایسوسی ایشنز سیاسی جماعتوں کو بڑی اصلاحات پر قریب لانےمیں کردار ادا کر سکتی ہیں۔

وفاقی وزیر اطلاعات و نشریات فواد چوہدری نے استفسار کیا ہے کہ سندھ حکومت کس ایجنڈے پر ہے،وہ کیا چاہتی ہے؟

انہوں نے کہا کہ انتخابی اصلاحات اور نیب آرڈیننس سمیت دیگر اہم قانون سازی میں ہم وکلاء کے کردار کا خیر مقدم کریں گے۔

وفاقی وزیرِاطلاعات و نشریات نے کہا کہ بار اوربنچ کے درمیان وکلاء پل کا کردار ادا کرتے ہیں، اس کردار کو قومی معاملات میں بھی اپنایا جائے۔

انہوں نے مزید کہا ہے کہ معاشرے میں قانون کی بالا دستی کے لیے وکلاء برادری کو اپنا کردار ادا کرتے رہنا چاہیئے۔

فواد چوہدری کا یہ بھی کہنا ہےکہ انصاف کے بغیر ترقی یافتہ معاشرے کا قیام ممکن نہیں، ہم وکلاءبرادری کو درپیش مسائل حل کریں گے۔

بشکریہ جنگ