ولودومیر زیلنسکی کا مسلمان یوکرینی فوجیوں کیلئے افطار کا خصوصی اہتمام

یوکرین کے صدر ولودومیر زیلنسکی نے جمعے کے روز مسلمان یوکرینی فوجیوں کے لیے افطار کا خصوصی اہتمام کیا۔ 

بین الاقوامی میڈیا کی رپورٹ کے مطابق اس موقع پر یوکرینی صدر کا کہنا تھا کہ افطار کا یہ خصوصی اہتمام ملک میں مسلمانوں کے اس مذہبی تہوار کے احترام کی سالانہ روایت بن جائے گا۔

ولودومیر زیلنسکی نے خصوصی عشائیے کے شرکاء سے خطاب کرتے ہوئے  مسلم برادری کا شکریہ ادا کیا، جس میں مجلس کے رہنما، کریمیائی تاتاروں کے واحد اعلیٰ ایگزیکٹو اور مسلمان مبلغین کے نمائندے شامل تھے۔

انہوں نے کہا کہ یوکرین میں رمضان کے مہینے کا ہر جگہ احترام کیا جاتا ہے یہاں تک کہ فرنٹ لائن پر جنگی حالات میں بھی۔

یاد رہے کہ فروری 2021ء میں ماسکو کے کیف پر بلا اشتعال حملے کے بعد سے، یوکرین نے کریمیا میں روسی ٹھکانوں کے خلاف متعدد حملوں کا آغاز کر دیا جن پر اس سے قبل ماسکو نے 2014ء میں الحاق کیا تھا اور فی الحال یہ تمام ٹھکانے کریملن کے کنٹرول میں ہے۔

ولودومیر زیلنسکی نے بارہا کریمیا کو آزاد کروانے کا عزم کیا ہے جو کہ ان کے بقول یوکرین کے لوگوں اور معاشرے کا حصّہ ہے۔

بشکریہ جنگ