وقار مہدی ذہنی توازن کھوچکے ہیں، مولانا سمیع سواتی

سندھ کی حکمران جماعت پیپلز پارٹی کے سینئر رہنما وقار مہدی کے بیان پر جمعیت علماء اسلام سندھ کے مولانا سمیع سواتی نے ردعمل کا اظہار کیا ہے۔

کراچی سے جاری بیان میں مولانا سمیع سواتی نے کہا کہ پیپلز پارٹی کے رہنما وقار مہدی حواس باختہ اور ذہنی توازن کھوچکے ہیں۔

انہوں نے کہا کہ اپوزیشن اتحاد پی ڈی ایم کی پیٹھ میں فیصلہ کن موڑ پر پیپلز پارٹی نے ہی چھرا گھونپا، جس کے ظلم اور بربریت کا سورج جلد سندھ میں غروب ہوگا۔

سمیع سواتی نے مزید کہا کہ پیپلز پارٹی نے اتحادیوں سے زیادہ عمران خان کو کندھا فراہم کیا۔

بشکریہ جنگ