وفاقی کابینہ کی سیالکوٹ واقعے کی شدید الفاظ میں مذمت

وفاقی کابینہ اجلاس میں سیالکوٹ میں متشدد ہجوم کے ہاتھوں سری لنکن فیکٹری منیجر کے قتل کے واقعے پر بریفنگ دی گئی۔

وزیراعظم عمران خان کی زیر صدارت وفاقی کابینہ کا اجلاس ہوا، جس میں پریانتھا کمارا کے ہجوم کے ہاتھوں قتل کے واقعے کی شدید الفاظ میں مذمت کی گئی۔

اجلاس میں سیالکوٹ واقعے پر بریفنگ بھی دی گئی، جس پر کابینہ ارکان نے کہا کہ ایسے واقعات ملک کی بدنامی کا باعث بنتے ہیں۔

انہوں نے مزید کہا کہ سیالکوٹ واقعے میں سری لنکن منیجر کے قتل میں ملوث افراد کے خلاف سخت کارروائی کی جائے۔

بشکریہ جنگ