وفاقی کابینہ نے فنانس بل کی منظوری دے دی

وزارت خزانہ نے فنانس بل کل پارلیمنٹ پیش کرنے کا اعلان کردیا، جبکہ وفاقی کابینہ نے فنانس بل کی منظوری دے دی ہے، پارلیمنٹ کا اجلاس کل طلب کیا گیا ہے۔

وزارت خزانہ کے اعلامیے کے مطابق وفاقی وزیر اسحاق ڈار کی  9 بج کر 25 پر ہونے والی پریس کانفرنس منسوخ کردی گئی۔

وفاقی حکومت کا منی بجٹ کھٹائی میں پڑنے کا خدشہ پیدا ہوگیا، کیا صدر مملکت ڈاکٹر عارف علوی اور وزیر خزانہ اسحاق ڈار کی ملاقات بے نتیجہ رہی؟

فنانس بل سے متعلق وزیر خزانہ اسحاق ڈار نے آج صدر مملکت ڈاکٹر عارف علوی سے ملاقات کی تھی۔

صدر مملکت نے بجٹ تجاویز آرڈیننس کی صورت میں نافذ کرنے پر اعتراضات اٹھائے تھے اور اسے بل کی صورت میں پارلیمنٹ میں پیش کرنے کی تجویز دی۔

اس کے بعد وفاقی حکومت نے منی بجٹ آرڈیننس کے ذریعے نہ لانے کا فیصلہ کیا۔

بشکریہ جنگ