وفاقی وزیر قانون نے کس بات پر قوم سے معافی مانگی؟

وفاقی وزیر قانون اعظم نذیر تارڑ نے 2 جونیئر ججز کو سپریم کورٹ لانے کے لیے ووٹ دینے پر قوم سے معافی مانگ لی۔

اسلام آباد میں حکومت میں شامل جماعتوں کے رہنماؤں کی مشترکہ پریس کانفرنس کے دوران بات کرتے ہوئے اعظم نذیر تارڑ نے کہا کہ میرے مؤقف کے باوجود مجھے حکومتی مؤقف کے تابع ووٹ کرنا پڑا۔

وفاقی وزیر نے کہا کہ میں بطور بار کونسل اور نمائندہ قانون کبھی اس کے حق میں نہیں تھا۔

وفاقی وزیر قانون اعظم نذیر تارڑ نے کہا ہے کہ بل ابھی بنا نہیں اور 8 رکنی بینچ بنا دیا گیا۔

اعظم نذیر تارڑ کا کہنا ہے کہ مانتا ہوں میں نے ووٹ دیا مجھے یہ ووٹ نہیں دیناچاہیے تھا، مجھے اصول کے ساتھ کھڑا ہونا چاہیےتھا۔

انہوں نے کہا کہ پوری قوم سے معذرت خواہ ہوں اس وقت کھڑے ہونے کا وقت تھا، حکومت کو بھی کھڑا ہونا چاہیے تھا۔

بشکریہ جنگ