وفاقی حکومت کی جانب سے نظر انداز کرنے پر بی اے پی ناراض

بلوچستان عوامی پارٹی کی قیادت نے وفاقی حکومت کی جانب سے نظر انداز کئے جانے پر اظہار ناراضی کرتے ہوئے پی ٹی آئی کے ساتھ تعلقات پر نظرثانی کا فیصلہ کیا ہے۔

بی اے پی کا اجلاس منعقد ہوا جس میں وزیراعلیٰ بلوچستان میر عبدالقدوس بزنجو، چیئرمین سینیٹ صادق سنجرانی، اسپیکر جان محمد جمالی سمیت اراکین سینیٹ، قومی اسمبلی اور صوبائی وزراء نے شرکت کی۔

مسلم لیگ (ن) پنجاب کے صدر رانا ثنااللہ نے دعویٰ کیا ہے کہ حکومت کا کسی وقت بھی دھرن تختہ ہوسکتا ہے۔

اجلاس میں کہا گیا کہ بڑا اتحادی ہونے کے باوجود بی اے پی کو اس کا جائز مقام نہیں دیا جارہا۔ بی اے پی وفاق میں پی ٹی آئی کی غیر مشروط حمایت کرکے تھک چکی ہے، وفاقی کابینہ میں بی اے پی کی نمائندگی نہ ہونے کے برابر ہے۔

وزیراعلیٰ میر عبدالقدوس بزنجو پارٹی کے تحفظات سے وزیراعظم عمران خان کو آگاہ کریں گے۔

پارٹی اعلامیے کے مطابق مطالبات پورے نہ ہونے، تحفظات دور نہ کرنے کی صورت میں بی اے پی آئندہ کا لائحہ عمل طے کرے گی۔

بشکریہ جنگ