وسیم اکرم، اہلیہ شنیرا اور بیٹی سے ملنے میلبورن پہنچ گئے

قومی کرکٹ ٹیم کے سابق لیجنڈری کرکٹر وسیم اکرم اہلیہ شنیرا اکرم اور بیٹی عائلہ سے طویل مدت بعد  ملنے میلبورن پہنچ گئے۔

پاکستان کرکٹ ٹیم کے سابق فاسٹ بولر وسیم اکرم کی اہلیہ شنیرا اکرم کا کہنا ہے کہ انہیں وسیم سے شادی کو 8 برس جبکہ ان سے بچھڑے 10 ماہ مکمل ہوگئے۔

واضح رہے کہ گزشتہ برس سے شنیرا بیٹی کے ہمراہ کورونا وبا کے باعث سفری پابندیوں کے باعث آسٹریلیا میں ہی پھنسی ہوئی ہیں۔

A post shared by Wasim Akram (@wasimakramliveofficial)

اب وسیم اکرم نے اپنی ایک انسٹاگرام پوسٹ میں بتایا کہ وہ جلد اہلیہ اور بیٹی سے ملنے والے ہیں۔

وسیم اکرم نے کہا کہ ’میرے قرنطینہ کے 6 روز مکمل ہوگئے ہیں، باقی 8 روز باقی ہیں، مجھے اپنا آپ ایک جنگل محسوس ہورہا ہے۔‘

قومی کرکٹ ٹیم کے سابق کپتان وسیم اکرم نے اپنی 5 سالہ…

سابق کرکٹر نے خود ہی بتایا کہ میں میلبورن میں ہوں اور اہلیہ اور بیٹی سے ملنے آیا ہوں۔

وسیم اکرم کی سیلفی اور پوسٹ کے جواب میں شنیرا نے کہا کہ وہ اور عائلہ آپ سے ملنے کے لیے بیتاب ہیں کیونکہ آپ ہی ہمارے حقیقی ہیرو ہیں۔

لیجنڈری کرکٹر وسیم اکرم کی اہلیہ شنیرا اکرم نے وسیم اکرم کی سالگرہ پر محبت بھرا پیغام شیئر کرتے ہوئے کہا کہ وسیم اکرم نے یہ ثابت کردیا کہ عمر صرف ایک عدد کے سوا کچھ نہیں ہے اس لیے وہ پہلے سے زیادہ جوان ہوگئے ہیں۔

لیجنڈ کرکٹر نے سال 2013 میں آسٹریلوی نژاد شنیرا اکرم سے شادی کی جن سے ان کی ایک بیٹی عائلہ ہے۔ عائلہ کی پیدائش 2014 میں ہوئی تھی۔

بشکریہ جنگ