وزیر اعظم شہباز شریف کی ایک تصویر نے کروڑوں دل جیت لیے

وزیرِ اعظم شہباز شریف کے دورۂ بلوچستان سے ایک دل کو چھو لینے والی ویڈیو اور تصویر سوشل میڈیا پر خوب وائرل ہے۔

گزشتہ روز وزیر اعظم شہباز شریف نے صوبہ بلوچستان کے حالیہ موسلادھار بارشوں سے آنے والے سیلاب کے باعث متاثرہ علاقوں اور خاندانوں کا دورۂ کیا۔

وزیرِ اعظم میاں محمد شہباز شریف کا کہنا ہے کہ بلوچستان میں بارشوں اور سیلاب سے 142 افراد جاں بحق ہوئے، صوبے میں سیلاب کی تباہ کاریاں ناقابلِ بیان ہیں۔

اس دوران شہباز شریف نے متاثرین کو فراہم کی گئی سہولیات کا جائزہ لیا اور مناسب اقدامات نہ ہونے پر غصّے کا اظہار بھی کیا۔

متاثرہ خاندانوں سے ملاقات کے دوران شہباز شریف وہاں موجود بچوں کے چہروں پر ہنسی بکھیرتے نظر آئے، وزیر اعظم شہباز شریف نے ناصرف بچوں سے نام دریافت کیے بلکہ اُن سے باتیں بھی کیں۔

ان لمحات نے سوشل میڈیا پر وائرل ہوتے ہی لاکھوں دلوں میں گھر کر لیا حتیٰ کہ وزیر اعظم کے مخالفین بھی اس عمل پر شہباز شریف کی تعریف کیے بغیر نہ رہ سکے۔

بعد ازاں ایک تصویر شہباز شریف کی جانب سے بھی اپنے انسٹاگرام اور ٹوئٹر اکاؤنٹ پر شیئر کی گئی۔

پوسٹ کے کیپشن میں شہباز شریف کا لکھنا تھا کہ ’بچے کی مسکراہٹ خدا کی جانب سے دیا گیا تحفہ ہے‘۔

بشکریہ جنگ