وزیر اعظم شہباز شریف کل کراچی پہنچیں گے

وزیرِ اعظم شہباز شریف کل ایک روزہ دورے پر صبح 10 بجے کراچی پہنچیں گے۔ وزیراعظم کا دورہ کراچی کا شیڈول سندھ حکومت کو موصول ہوگیا۔ 

وزیراعلیٰ سندھ سید مراد علی شاہ وزیراعظم کا استقبال کریں گے۔

وزیراعظم اتحادی جماعتوں کی قیادت کے ہمراہ مزارِ قائد پر حاضری دیں گے، جس کے بعد وہ وزیراعلیٰ ہاؤس کا دورہ کریں گے۔ 

وزیراعظم کراچی میں ترقیاتی منصوبوں سے متعلق مشاورتی عمل کی صدارت بھی کریں گے۔ سندھ میں امن و امان اور ترقیاتی منصوبوں سمیت تمام اجلاس وزیراعلیٰ ہاوس میں ہوں گے۔ 

وزیر اعظم کے دورے کے موقع پر ایم کیو ایم سمیت اتحادی جماعتوں سے ان کی ملاقات بھی شیڈول ہے۔

بشکریہ جنگ