وزیرِ اعظم کی آرمی چیف اور FATF ٹیم کو مبارکباد

ایف اے ٹی ایف کے معاملے پر وزیرِ اعظم میاں محمد شہباز شریف نے آرمی چیف جنرل قمر جاوید باجوہ، ایف اے ٹی ایف ٹیم، وزارت خارجہ اور سیل کو مبارک باد پیش کی ہے۔

یہ مبارک باد وزیرِ اعظم میاں محمد شہباز شریف نے اپنی زیرِ صدارت ہونے والے وفاقی کابینہ کے اجلاس میں دی جس میں ایف اے ٹی ایف کا معاملہ بھی زیرِ غور آیا۔

ذرائع کے مطابق اجلاس میں وفاقی کابینہ کو جی ایس پی پلس اسٹیٹس پر بریفنگ دی گئی۔

وزیرِ اعظم شہباز شریف نے انڈونیشیا سے خوردنی تیل منگوانے پر وزیرِ صنعت اور ٹیم کو مبارک باد پیش کی۔

وزیرِ اعظم نے کہا کہ خوردنی تیل کی کمی کی وجہ سے بحران پیدا ہوا، جس کی فراہمی کے لیے انڈونیشیا کے صدر سے بات کی تھی۔

ان کا مزید کہنا ہے کہ امید ہے کہ خوردنی تیل کی آمد کے بعد معاملات بہتر ہوجائیں گے۔

وزیرِ اعظم شہباز شریف نے یہ بھی کہا ہے کہ اس ضمن میں وزارتِ صنعت اور وزارتِ خارجہ کے حکام نے اہم کردار ادا کیا۔

بشکریہ جنگ