وزیرِ اعظم نے کرتار پور سے علمبر دارِ حقوقِ اقلیت ہونے کا ثبوت دیا: شہباز گِل

وزیرِ اعظم عمران خان کے معاونِ خصوصی شہباز گِل کا کہنا ہے کہ وزیرِ اعظم عمران خان نے کرتار پور راہداری کھول کر اقلیتوں کے حقوق کے علمبردار ہونے کا ثبوت دیا ہے۔

سماجی رابطے کی ویب سائٹ ٹوئٹر پر جاری کیئے گئے ایک بیان میں وزیرِ اعظم عمران خان کے معاونِ خصوصی شہباز گِل نے یہ بات کہی ہے۔

انہوں نے کہا ہے کہ اسلام کے احکامات کے عین مطابق پاکستان میں موجود اقلیتوں کو برابر کے حقوق حاصل ہیں۔

شہباز گِل کا مزید کہنا ہے کہ پاکستان کی ترقی میں اقلیتوں کا کردار نمایاں اور اہم ہے۔

ن لیگی رہنما طلال چوہدری نےوزیراعظم عمران خان کے معاون خصوصی شہباز گل کو امریکی عدالت کا بھگوڑا کہہ دیا۔

وزیرِ اعظم عمران خان کے معاونِ خصوصی کا یہ بھی کہنا ہے کہ ہر مذہب اور فرقے کے افراد ملکی تعمیر میں کردار ادا کر رہے ہیں۔

بشکریہ جنگ