وزیرِ اعظم عمران خان کے معاونِ خصوصی برائے خزانہ مستعفی

وزیرِ اعظم عمران خان کے معاونِ خصوصی برائے خزانہ ڈاکٹر وقار مسعود نے استعفیٰ دے دیا۔

اس بات کا انکشاف ذرائع نے کیا ہےکہ وزیرِ اعظم عمران خان کے معاونِ خصوصی برائے خزانہ ڈاکٹر وقار مسعود مستعفی ہو گئے ہیں۔

ذرائع کا کہنا ہے کہ ڈاکٹر وقار مسعود کے استعفے کی وجہ وزیرِ خزانہ شوکت ترین سے اختلافات ہیں۔

ذرائع نے بتایا کہ وزیرِ خزانہ شوکت ترین سمجھتے ہیں کہ ڈاکٹر وقار مسعود آزادانہ طور پر فیصلے کر رہے ہیں اور اہم فیصلوں میں انہیں اعتماد میں نہیں لیا جا رہا۔

ذرائع کے مطابق ڈاکٹر وقار مسعود کا شکوہ ہے کہ ان کی سفارشات نظر انداز کی جا رہی ہیں، وزیرِ خزانہ شوکت ترین ان کی سفارشات کو خاطر میں نہیں لاتے۔

ذرائع نے یہ بھی بتایا ہے کہ ڈاکٹر وقار مسعود استعفے کی منظوری تک کام کرتے رہیں گے۔

بشکریہ جنگ