وزیرِ اعظم شہباز شریف کو FPCCI کا خط، شرح سود میں کمی کا مطالبہ

وفاقی ایوان ہائے و صنعت و تجارت پاکستان (ایف پی سی سی آئی) نے وزیرِ اعظم شہبازشریف کو خط لکھ کر ان سے شرحِ سود میں کمی کا مطالبہ کر دیا۔

فیڈریشن آف پاکستان چیمبر آف کامرس اینڈ انڈسٹری کے خط میں کہا گیا ہے کہ شرح سود میں اضافے سے پیداواری لاگت بڑھ گئی ہے۔

خط میں ایف پی سی سی آئی نے یہ بھی کہا ہے کہ پاکستان تحریکِ انصاف کی حکومت جاتے جاتے شرحِ سود میں ڈھائی فیصد اضافہ کر گئی تھی۔

صدر ایف پی سی سی آئی ناصر مگوں کا کہنا ہے کہ تحقیقات ہوں تو ایک وزارت کی طرف نشاندہی ہو سکتی ہے۔

ذرائع کا اس حوالے سے کہنا ہے کہ سابقہ حکومت کی جانب سے شرحِ سود میں اضافہ کرتے وقت زمینی حقائق کو مدِ نظر نہیں رکھا گیا۔

حکومتی ذرائع کا کہنا ہے کہ حکومت کاروبار چلانے میں ہر ممکن تعاون کرے گی۔

ذرائع کے مطابق پاکستان میں اس وقت شرحِ سود خطے میں سب سے زیادہ ہے۔

بشکریہ جنگ