وزیرِ اعظم شہباز شریف تیسری مرتبہ کورونا کا شکار ہو گئے

وزیرِ اعظم شہباز شریف تیسری مرتبہ کورونا وائرس کا شکار ہو گئے۔

وفاقی وزیرِ اطلاعات مریم اورنگزیب نے اس حوالے سے جاری کیے گئے بیان میں بتایا ہے کہ وزیرِ اعظم شہباز شریف کورونا پازیٹو ہو گئے ہیں۔

سماجی رابطے کی ویب سائٹ ٹوئٹر پر جاری کیے گئے بیان میں ان کا کہنا ہے کہ وزیرِ اعظم شہباز شریف کی 2 روز سے طبیعت ناساز تھی۔

مریم اورنگزیب کا مزید کہنا ہے کہ ڈاکٹر کے مشورے سے شہباز شریف نے آج کورونا ٹیسٹ کرایا ہے۔

مسلم لیگ نون کے صدر اور قومی اسمبلی میں قائد حزبِ اختلاف شہباز شریف کا کورونا ٹیسٹ مثبت آگیا۔

وفاقی وزیرِ اطلاعات کا یہ بھی کہنا ہے کہ عوام اور کارکنان سے وزیرِ اعظم شہباز شریف کی جلد صحت یابی کے لیے دعا کی اپیل ہے۔

واضح رہے کہ وزیرِ اعظم شہباز شریف تیسری مرتبہ کورونا وبا میں مبتلا ہوئے ہیں۔

اس سے قبل وہ جون 2020ء اور جنوری 2021ء میں بھی کورونا وائرس کا شکار ہوئے تھے۔

بشکریہ جنگ