![](https://jang.com.pk/assets/uploads/updates/2021-06-30/b_949780_110903_updates.jpg)
وفاقی دارالحکومت اسلام آباد کی احتساب عدالت نے وزیرِ اعلیٰ سندھ مراد علی شاہ کے خلاف نوری آباد پاور ریفرنس میں فردِ جرم عائد کرنے کی کارروائی مؤخر کر دی۔
احتساب عدالت اسلام آباد نے ملزمان کی حاضری مکمل نہ ہونے پر عدالت نے فردِ جرم کی کارروائی 28 جولائی تک مؤخر کی۔
جج نے ریمارکس دیئے کہ آئندہ سماعت پر جو فردِ جرم کے لیے نہ آیا، اس کے وارنٹ جاری ہوں گے۔
غیر حاضر ملزمان نثار احمد اور عبدالغنی مجید کی جانب سے استثنیٰ کی درخواستیں عدالت میں دائر کی گئیں۔
نثار احمد کورونا وائرس کا شکار ہونے کے باعث عدالت میں پیش نہیں ہوئے۔
نیب نے اشتہاری ملزم محمد علی کی جائیداد ضبط کرنے کی کارروائی شروع کر دی، جس کی رپورٹ اس نے عدالت میں پیش کر دی۔
Comments are closed.