وزیرِاعظم گھوڑے یا سائیکل پر بیٹھیں: مریم اورنگزیب

مسلم لیگ نون کی ترجمان مریم اورنگزیب نے وزیرِ اعظم عمران خان سے گھوڑے اور سائیکل پر بیٹھنے کا مطالبہ کر دیا۔

جاری کیئے گئے ایک بیان میں مسلم لیگ نون کی ترجمان مریم اورنگزیب نے کہا ہے کہ پیٹرول مہنگا کر کے عوام کی غربت کا مذاق اڑایا جا رہا ہے۔

وفاقی وزیرِ منصوبہ بندی اسد عمر سے صحافی نے کہا کہ آپ نے پیٹرولیم مصنوعات کی قیمتوں میں اضافے پر وزارت چھوڑنے کی بات کی تھی جس پر اسد عمر نے انکار کر دیا۔

ان کا کہنا ہے کہ عوام کے پاس روٹی کھانے کے پیسے نہیں ہیں، اب وزیرِ اعظم عمران خان کی طرف سے سائیکل اور گھوڑے خریدنے کا مشورہ آئے گا۔

مریم اورنگزیب کا کہنا ہے کہ عوام کے پاس دوا، گیس اور بجلی لینے کے پیسے نہیں وہ گھوڑے اور سائیکل کہاں سے خریدیں گے۔

وفاقی وزیرِ اطلاعات و نشریات فواد چوہدری کا کہنا ہے کہ پاکستان میں تیل کی قیمتیں اب بھی خطے میں سب سے کم ہیں۔

انہوں نے مزید کہا کہ اس ملک میں سب سے زیادہ خرچہ وزیرِ اعظم عمران خان کا ہے۔

ترجمان نون لیگ نے یہ بھی کہا ہے کہ عمران خان گھر جائیں، ہم پیٹرول، آٹا، چینی، گیس، دوا اور بجلی سستی کر دیں گے۔

بشکریہ جنگ