وزیراعلیٰ بلوچستان، چیئرمین سینیٹ کی ایف سی ہیڈ کوارٹرز نوشکی آمد

وزیراعلیٰ بلوچستان عبدالقدوس بزنجو اور چیئرمین سینیٹ صادق سنجرانی نے فرینٹر کور (ایف سی) ہیڈ کوارٹر نوشکی پہنچ گئے۔

وزیراعلیٰ بلوچستان اور چیئرمین سینیٹ نے نوشکی میں ایف سی ہیڈ کوارٹر آمد پر یاد گار شہدا پر حاضری دی۔

کمانڈنٹ ایف سی نے عبدالقدوس بزنجو اور صادق سنجرانی کے ہمراہ آئے وفد کو 2 فروری کے دہشت گردی کے واقعے پر بریفنگ دی۔

بریفنگ میں بتایا گیا کہ دشمن جدید ترین اسلحہ سے لیس تھے، دہشت گرد براہ راست افغانستان میں اپنے ہینڈلرز سے رابطے میں تھے۔

اس موقع پر وزیراعلیٰ بلوچستان، چیئرمین سینیٹ اور صوبائی وزراء نے ایف سی کو کامیاب کارروائی پر مبارک باد دی۔

وفد نے اس موقع پر شہید سیکیورٹی اہلکاروں کو خراجِ عقیدت پیش کیا۔

بشکریہ جنگ