وزیراعظم کے کام جاری رکھنے کا نوٹیفکیشن جاری نہیں ہوسکا

صدر مملکت کی جانب سے قومی اسمبلی کو تحلیل کیے جانے کے بعد سے اب تک عمران خان کے بطور وزیراعظم کام جاری رکھنے کا نوٹیفکیشن جاری نہیں ہوسکا۔

وزیراعظم عمران خان نے پارٹی کو الیکشن کی تیاریاں تیز کرنے کی ہدایت کر دی، کہا کہ پارٹی سے مخلص افراد کو ہی ٹکٹس دیں گے، اتحادی حکومت میں ہمیشہ بلیک میل ہونا پڑتا ہے، اپنے لوگوں کی اکثریت کے ساتھ حکومت بنائیں گے۔

ذرائع کا کہنا ہے کہ وزیراعظم کے کام جاری رکھنے کا نوٹیفکیشن کسے جاری کرنا ہے کسی کو پتہ نہیں۔

ذرائع نے بتایا کہ قومی اسمبلی ٹوٹنے کے بعد صدر نے آئین کے آرٹیکل 224A (4) کے تحت وزیراعظم کو کام جاری رکھنے کا کہا۔ 

خیال رہے کہ صدر مملکت کے حکم کے تحت وزیراعظم کی برخاستگی اور اسمبلی کے تحلیل ہونے کا نوٹیفکیشن جاری ہوگیا۔

بشکریہ جنگ