وزیراعظم کے خلاف سوشل میڈیا پر نازیبا مہم چلانے کے کیس میں فیصلہ محفوظ

لاہور میں سیشن کورٹ نے وزیر اعظم کے خلاف سوشل میڈیا پر مہم چلانے کے الزام میں گرفتار لیگی کارکن کی ضمانت پر رہائی کی درخواست پر فیصلہ محفوظ کر لیا۔

 ایف آئی اے کے وکیل نے دلائل دیے کہ ملزم نے وزیراعظم کے کردار پر کیچڑ اچھالا اور نازیبا زبان استعمال کی، عدالت اس کی ضمانت خارج کرنے کا حکم دے۔

 ملزم کے وکیل نے موقف اختیار کیا کہ ملزم کسی ریاست مخالف سرگرمیوں میں ملوث نہیں، عدالت ضمانت منظور کرے۔

ملزم کے وکیل فرہاد علی شاہ نے دلائل دیے کہ مقدمہ سوشل میڈیا اور ٹوئٹر اکاؤنٹ کی پوسٹنگ پر درج کیا گیا، ملزم کسی ریاست مخالف سرگرمیوں میں ملوث نہیں ہے۔

بشکریہ جنگ