وزیراعظم کل جنوبی پنجاب سیکریٹریٹ کا سنگِ بنیاد رکھیں گے

وزیراعظم عمران خان کل جنوبی پنجاب سیکرٹریٹ کا سنگِ بنیاد رکھیں گے۔

ذرائع کا کہنا ہے کہ دورہ ملتان میں جنوبی پنجاب کے لیے بڑے پیکج کا اعلان بھی متوقع ہے۔

عمران خان نے پی ٹی آئی کے پچیسویں یوم تاسیس پر پیغام دیتے ہوئے کہا کہ ملک کے حکمران جب کرپشن کرتے ہیں تو قوم تباہ ہوجاتی ہے۔

ذرائع کا کہنا ہے کہ وزیر اعظم کے دورے میں ملتان کیلئے 30 ارب کا ترقیاتی پیکج الگ ہوگا۔

وزیر اعظم زرعی یونیورسٹی کا افتتاح کریں گے، انجینئرنگ یونیورسٹی اور مختلف سڑکوں کا سنگِ بنیاد بھی رکھیں گے۔

بشکریہ جنگ