وزیراعظم نے چینی کی ایکسپورٹ پر پابندی لگا دی

وزیراعظم شہباز شریف نے ملک میں چینی کا ذخیرہ اور قیمت مستحکم رکھنے کیلئے اس کی ایکسپورٹ پر پابندی لگا دی۔

وزیراعظم شہباز شریف نے ہدایت کی کہ عوام کی ضرورت کو پہلے پورا کرنا ہے، قیمت کو مستحکم کرنا ہے۔

انہوں نے کہا کہ ایکسپورٹ پر پابندی کیساتھ اسمگلنگ کے خلاف سخت اقدامات کا بھی حکم دے دیا ہے، ذخیرہ اندوزوں، ناجائز منافع خوروں اور مصنوعی قلت پیدا کرنے والوں سےسختی سے نمٹا جائے گا۔

وزیراعظم کا اپنے احکامات میں متعلقہ اداروں سے کہنا تھا کہ انہیں موثر عمل درآمد سے مسلسل آگاہ کیا جائے، غفلت اور کوتاہی ہوئی تو متعلقہ افسر اور عملہ ذمہ دار ٹھہرے گا۔

بشکریہ جنگ