وزیراعظم نے ننکانہ صاحب میں ماورائےقانون قتل کا نوٹس لے لیا

وزیر اعظم شہبازشریف نے تھانہ واربرٹن ننکانہ صاحب میں ماورائے قانون قتل کا نوٹس لیتے ہوئے واقعے کی تحقیقات کا حکم دےدیا۔

واضح رہے کہ ننکانہ صاحب میں واقع واربرٹن میں مشتعل افراد نے تھانے سے توہین مذہب کے ملزم کو نکال کر ہلاک کردیا۔

وزیر اعظم شہباز شریف نے کہا کہ پولیس نے پرتشدد ہجوم کو کیوں نہ روکا، قانون کی حاکمیت کو یقینی بنانا چاہیے۔

ایس ایچ او سمیت پولیس ملازمین جان بچانے کیلئے تھانے سے بھاگ گئے۔

وزیر اعظم نے کہا کہ کسی کو قانون پر اثر انداز ہونے کی اجازت نہیں ہونی چاہیے، امن و امان کے ذمہ دار اداروں کی پہلی ترجیح امن ہی ہے، امن وامان کو ہر صورت مقدم رہنا چاہیے۔

بشکریہ جنگ