وزیراعظم آج بزدار، پرویز الہٰی سے ملاقات کیلئے لاہور آئیں گے

وزیراعظم عمران خان آج ایک روزہ دورے پر لاہور آئیں گے، اُن سے مستعفی وزیراعلیٰ عثمان بزدار اور وزارتِ اعلیٰ کے لئے نامزد حکومتی امیدوار چوہدری پرویز الہٰی کی ملاقاتیں ہوں گی۔

عمران خان سےگورنر پنجاب عمر سرفراز چیمہ بھی ملاقات کریں گے، وزیر اعظم سے ارکان اسمبلی کے مختلف گروپس کی بھی ملاقاتیں کرائی جائیں گی۔

وزیر اعظم تحریک انصاف اور مسلم لیگ ق کی پارلیمانی پارٹی کے اجلاس سے خطاب کے علاوہ لاہور کے ورکرز کے اعزاز میں افطار تقریب سے بھی خطاب کریں گے۔

بشکریہ جنگ